我發覺做一個稱職0既職業主婦一0的都唔容易...

其實我可以好懶, 飯可以唔煮, 可以唔吸塵唔清潔屋企, 晶佬唔會話我, 但或者係我對自己要求好高, 又或者我晶媽做得太好, 所以佢成日會影響到我, 做一個太太係應該要點要點, 不過就係因為要稱職, 令到我好倦....

晶佬每日最早都要晚上十點半先番黎, 所以我其實本來有好多自己0既私人時間, 不過由我放工0個一刻開始就唔得閒了, 番工不停做九個鐘, 因為我食晏時間都是做野, 食完個飯盒就要繼續, 因為如果唔係咁, 我就做唔晒0的野, 當然我可以夜0的走, 食晏時可以舒服0的, 不過如果我夜晚OT 得太奈, 我就唔夠時間做我家裡的工作LA....

好LA, 放左工第一時間就0係公司樓下買餸, 因為公司樓下買餸平0的之外, 同埋我屋企附近係冇街市, 得一個超級市場, 大家都知超市買0的野點都會貴過街市, 所以我就要從公司咩住0的重疊疊0既餸番屋企, 其實大家可能覺得我地兩個人食得幾多野呀, 0的野唔會太重, 但因為我成日煲湯, 0的瓜呀, 蘿蔔, 樣樣幾舊都已經好重, 仲未計有時我要買洗頭水呀, 柔順劑呀0個0的, 又係因為公司樓下平0的嘛...

好LA, 買完又要坐巴士再行條斜路仔先番到屋企, 番到屋企就要收衫, 吸塵抺地, 洗廁所, 冇錯, 我真係日日洗廁所, 我唔知係唔係有0的問題, 我好怕個屎塔係污糟0既, 我個屎塔係長期立立令0既, 可能係因為我個小妹妹好易感染細菌, 所以我好注重去廁所0既地方, 不過晶佬總係唔乾淨, 所以我就要日日抺LA...

咁攪晒呢0的野0既時侯, 我就要洗洗切切醃定0的食物, 再煲定0的湯, 等晶佬番黎時就有得飲, 煲落湯我就可以去沖涼上上FACEBOOK同埋食飯, 大約九點度啦, 可能太倦, 我就會去訓晏覺, 冇錯我個晏覺係0係九點0既, 所以各位朋友, 晚上九點至十點盡可能都唔好打比我, 因為呢個覺係我要黎救命0既, 我真係可以一上床就訓著左, 仲要係唔發夢0既隻LUM 覺, 十點多度, 晶佬就會叫醒我熄左煲湯, 我就會開始煮飯比晶佬食, 煮完晶佬番黎, 我就會整好晒比佢食飯, 食完飯晶佬會HEA一陣先去沖涼, 之後我又要等佢沖完涼先可以洗衫, 洗完衫又要晒衫, 咁我一天0既工作先會完, 而完結0既時侯已經係晚上一點幾架LA....

雖然我地只不過係兩個人住, 但照顧晶佬一個已經令我好吃力, 其實晶佬又唔係唔幫我手, 但佢真係冇時間, 有時星期日, 我咪會捉佢去超市, 幫我買定0的重0既野, 等我唔洗咩都咁辛苦, 而且有時佢星期日都會幫我抺廚房, 不過始終佢太遲放工, 所以有好多時0的野都係我一個人做囉...

嗨, 所以我呢排太倦, 所以我0的朋友有時想上黎試我手勢, 依家我都會推, 因為我真係好倦, 因為有朋友上黎, 我煮飯要預備好多野, 所以大家如果真係想試我手勢, 等我回下氣先啦......